影片
更多
2021-09-17
307 浏览
曾听说食辣系会上瘾，而且仲会愈踩愈深，愈食愈辣。所以，我决定要训练我既另一半都要食到辣，今日开始带佢黎展开呢个寻辣旅程。我既男友黎自英国，今次系佢第一次食打边炉，佢话今次体验及感觉都系完美！知道又一城开咗重庆麻辣火锅嘅第一间系香港嘅直营店，咁确保够正宗够原味，佢都有一啲香港店限定嘅菜式。虽然话系要挑战啦，但系亦都唔想太过冒险，于是加$98要一下鸳鸯汤底，亦都可以试吓唔同汤底嘅味道。招牌刘一手立方麻辣红油汤底（中辣）$216一捞起个汤羹就见到满满嘅辣椒碎、花椒同其他香料等。而且佢用咗牛油脂肪同埋10几种中药香料炮制而成，食落真系辣而不燥，反有润滑既感觉！滋润椰子鸡汤 $118唔好以为佢净系辣嘅汤底先出色，椰子鸡汤都可以做到好清甜架，而且鸡件超多，好似多咗一个𩠌添慢慢喺汤入边浸住，食落啲鸡肉都唔会鞋。新鲜手切牛肉拼盘$498叫呢个牛肉拼盘先至系大满足，可以一次过食到五个牛唔同既部位，包括牛颈脊、牛白肉、牛小排、封门柳同肉眼边。牛白肉呢个软骨位置，虽然你见佢成块白色，但其实入口一啲都唔油腻，而且非常爽口。牛颈脊就系我嘅至爱，你见到佢雪花分布均匀，所以入口油脂香而且牛味浓。刘一手酱油腌制猪肉片
曾听说食辣系会上瘾，而且仲会愈踩愈深，愈食愈辣。所以，我决定要训练我既另一半都要食到辣，今日开始带佢黎展开呢个寻辣旅程。
我既男友黎自英国，今次系佢第一次食打边炉，佢话今次体验及感觉都系完美！
知道又一城开咗重庆麻辣火锅嘅第一间系香港嘅直营店，咁确保够正宗够原味，佢都有一啲香港店限定嘅菜式。
虽然话系要挑战啦，但系亦都唔想太过冒险，于是加$98要一下鸳鸯汤底，亦都可以试吓唔同汤底嘅味道。
招牌刘一手立方麻辣红油汤底（中辣）$216
一捞起个汤羹就见到满满嘅辣椒碎、花椒同其他香料等。而且佢用咗牛油脂肪同埋10几种中药香料炮制而成，食落真系辣而不燥，反有润滑既感觉！
滋润椰子鸡汤 $118
唔好以为佢净系辣嘅汤底先出色，椰子鸡汤都可以做到好清甜架，而且鸡件超多，好似多咗一个𩠌添慢慢喺汤入边浸住，食落啲鸡肉都唔会鞋。
新鲜手切牛肉拼盘$498
叫呢个牛肉拼盘先至系大满足，可以一次过食到五个牛唔同既部位，包括牛颈脊、牛白肉、牛小排、封门柳同肉眼边。
牛白肉呢个软骨位置，虽然你见佢成块白色，但其实入口一啲都唔油腻，而且非常爽口。牛颈脊就系我嘅至爱，你见到佢雪花分布均匀，所以入口油脂香而且牛味浓。
刘一手酱油腌制猪肉片$98
值得一赞嘅就系佢嘅腌猪肉系真系有腌味，而唔系好似某一啲店咁样只系上面轻轻扫一层酱油。所以就算喺汤底𠮶度浸浴后，都可以食得出本身猪肉片嘅腌料味。
新鲜鱿鱼$68
新鲜就是最好，你见到佢大大只，而且已经切好一件件，爽甜鲜味！
丸丸拼盘$98
呢个杂丸拼盘，总共有五款，有墨鱼丸、鱼蛋、香菇贡丸、牛丸同埋沙律丸。一咬落牛丸，充满肉汁而且牛味重！
宽粉$28
炸枝足$28
呢啲配料你哋真系要叫，因为刘一手嘅汤底用料十足，所以最好叫呢啲所有吸味吸精华嘅食材，去吸尽晒所有鲜甜食材嘅味道。
刘一手竹蔗茅根红萝卜马蹄水$38
刘一手冰凉薄荷西瓜茉莉冰粉茶$48
佢嘅饮品都有好多选择，除咗有养生茶饮，仲有解辣系列，个冰粉茶就最啱不过啦！
真系冇乜嘢可以挑剔，我同男友都非常享受今次用餐体验。
张贴
