EXP

营业中

休息中

今日约咗好友去又一城...踩冰，虽然仆咗好多次，未够2个钟已经伤痕累累，不过又真系几好玩嘅。又饿又渴的我(们)醒起对住冰场𠮶间EXP有鲜榨果汁饮，于是就…𨅬咗入去了。重新装修嘅EXP系唔同D嘅，我讲紧D价钱，不过，都坐低咗啦。揭几揭餐牌就决定嗌《橘香烧烤酱炸鸡翼》，《封门牛柳红酒烧汁蛋包香菇饭》，《24个月西班牙火腿灯笼椒薄饼》和《蜜糖紫薯迷你薄饼》，饮品当然系劲多选择嘅鲜榨果汁啦。特别想讲讲佢碟鸡翼，食落口带点酸带点甜带点辣，非常浓味送饭一流可惜佢冇白饭。另外，红酒牛柳饭牛柳软腍腍又多汁，煎蛋好滑之余D饭好多菇粒所以非常香，可说是色香味俱全。总括而言，EXP系OK好食嘅，份量亦足，只要维持水准，个人认为目前价格...尚算合理。