金記冰室 (黃大仙中心南館) (裝修中)

自数年前帮衬过有不快经验，故一直都唔再去呢间嘢度食。始终黄大仙附近乜嘢好食都有，一唔好食就被淘汰。过咗咁多年之后，估唔到间野仲系度，所以都入去试多次系咪改善咗。里面装修同以前无乜大分别，不过落单就改咗手机自助形式，另外墙边卡位有充电头十分贴心。由于疫情嘅关系，入去需要等一阵位。自助点餐版面大致与其他冇呢个服务嘅餐厅同样，跟著最紧要嘅食物。以前批评过炒粉面碟头太细唔够食，今次帮衬就回复正常，至少食得饱。星洲炒米颜色略嫌浅咗少少，不过辣度同咸度适中，系偶然食到炒唔匀有一两啖好咸，大抵上已经在水准之中。至于三文治就冇乜特别，唔够我上次去金钟𠮶间香港地咁好食。至于杯奶茶，我拣咗少奶，不过嚟到一样咁多奶，加上冇乜茶味，咁奶茶就失色咗啦