雲南小鍋米線

营业中

休息中

难得平日放到假，下午起身孤身一个去咗石荫嘅米线舖开餐！系附近读过书同番过工嘅朋友仔，应该都知道呢间舖嘅魔力去到已经下午三点，无记错嘅话，呢度应该系下午五点几就准备关门，要嚟觅食嘅，就要调啱时间喇！等咗二十分钟先有位，入到去即order，要快手先得，因为啲料好快售罄嫁！要咗个木耳鸡丝腩肉中辣米线！第一次食呢间嘅中辣，之前都系食小辣！今日嘅我好lucky我听到我叫完之后，鸡丝同腩肉都停买喇！惊无得食嘅，真喺要再早啲嚟先得！上台喇！呢度嘅好，就系你叫几多款料，都会俾足你，唔似其他舖，愈多款就每款愈少！抵食！先讲番鸡丝，同出面唔同，真系幼到丝噤人手真系唔同啲！搞「云」完个米线之后，鸡丝完全索哂啲汤，超正，亦都超辣！差啲唔记得讲番个汤底，辣得好正，汤都系一啖一啖嘅饮落去，有少少唔好就系，木耳用得太咸喇，令到成碗汤好咸，影响成个汤，下次叫另上好过！木耳除咗偏咸之外，食落系爽口嘅腩肉就好入味，唔单只令个汤更甜，食落都系肥瘦刚好，不过超怕肥嘅女仔可以就会怕怕喇！建议大家怕肥就试吓叫肉酱喇，都好ok嫁！米线大大碗同我几年前食到嘅水准差唔多，无退步