影片
更多
2017-04-06
415 浏览
平时周末，行过太古城Aeon Style 呢间餐厅都排哂长龙。今日平日又见无咩人排，所以走咗去试一试！ 系Counter 比咗钱，就可以坐系Bar 枱等野食！ 面豉汤-入口即刻就觉得十分香浓，唔似系平时啲餐厅咁用粉冲。 面豉汤入面有一片片煮到入口即融嘅萝卜片，唔会太咸。只系略嫌汤料不多，对于汤渣控嘅我黎讲，如果多番少少豆腐，昆布就更好！ （题外话. 有无人都有开面豉汤盖困难症架？ 次次都好难开😂）三文鱼丼- 八片三文鱼刺身伴以一朵小菊花🌼作点缀。刺身肥瘦均匀，色泽几靓，唔会似某些餐厅鲜色得好似染上去咁。 👍🏻三文鱼刺身都有一定厚度，绝非薄薄一片，得个样。 鱼生饭尚有少少余温，都几软熟，唔系硬到一旧旧涷冰冰的，亦都唔会太酸，刚刚好。海胆三文鱼丼- 重点黎啦！ 海胆占成四分一个碗，加上五片三文鱼刺身，同埋果朵招牌小菊花🌼。海胆唔会溶到一pat pat，十分鲜甜，绝无腥味，以咁嘅价钱黎讲分量都算抵！ 总括黎讲，呢间餐厅既性价比都几高，希望下次黎都唔洗排队啦！
系Counter 比咗钱，就可以坐系Bar 枱等野食！
面豉汤-入口即刻就觉得十分香浓，唔似系平时啲餐厅咁用粉冲。 面豉汤入面有一片片煮到入口即融嘅萝卜片，唔会太咸。只系略嫌汤料不多，对于汤渣控嘅我黎讲，如果多番少少豆腐，昆布就更好！ （题外话. 有无人都有开面豉汤盖困难症架？ 次次都好难开😂）
三文鱼丼- 八片三文鱼刺身伴以一朵小菊花🌼作点缀。刺身肥瘦均匀，色泽几靓，唔会似某些餐厅鲜色得好似染上去咁。 👍🏻三文鱼刺身都有一定厚度，绝非薄薄一片，得个样。 鱼生饭尚有少少余温，都几软熟，唔系硬到一旧旧涷冰冰的，亦都唔会太酸，刚刚好。
海胆三文鱼丼- 重点黎啦！ 海胆占成四分一个碗，加上五片三文鱼刺身，同埋果朵招牌小菊花🌼。海胆唔会溶到一pat pat，十分鲜甜，绝无腥味，以咁嘅价钱黎讲分量都算抵！ 总括黎讲，呢间餐厅既性价比都几高，希望下次黎都唔洗排队啦！
张贴
