叁不館

营业中

休息中

好耐冇同屋企人出门打边炉，拣左间好有旧香港情怀嘅火锅店——「叁不馆」🍲 装潢好有特色，呈现返旧香港一种城寨感觉，坐嘅都系圆折凳，用竹筲箕放置物品，同「金轮天地」咁摩登嘅商厦形成对比😎 打边炉最紧要汤底，呢度选择几多，拣左热门「莫生气椰椰鸡汤」，即场扑开原个椰子再倒汁入去，零舍香甜🤤 滚起饮番碗汤先就可以落配料喇～ 配料多到花多眼乱，牛同海鲜都好新鲜👍🏻 订价来讲属中上程度，所以都系一分钱一分货😳讲野食之前先讲酱料，佢地提供多种唔同酱料，尤其以「🧄油」，「自制沙茶酱」同「麻辣红油」为出色 🤤率先登场嘅系呢度嘅首推「手切封门柳」，肉嘅色泽同纹理分布一睇就知唔系普通货色👍🏻摆落椰汁鸡汤简单灼两下已经食得😋肉味好浓郁😋同埋加映「牛胸尖」即系牛胸部嘅脂肪，爽口得黎充满脂香～食完牛又试埋佢个「蒙古羊肉片」🐑 味道上比牛肉淡但都唔错👍🏻再黎就系海鲜同埋丸类配料，「南非鲍鱼」同汤底都算夹，肉质爽弹，反而要赞下「手打五宝丸」👍🏻 其中嘅猪肉丸尤其出色，特别好味😋「招牌午餐肉饺」同「虾胶油炸鬼」属于创意之作，造型够哂噱头，食落不过不失🤪个汤滚到咁上下，系时侯落啲「油麦菜」索返啲精华😋埋个靓尾😋整体而言食材