牛下合利小廚

营业中

休息中

是夜在九龙东。十点过后揾野食选择真系唔多。开饭搜寻见到呢到竟然挟牛下之名。用上曾经系九座巷内既合利招牌。咁梗系要黎试下坚唔坚。见有生鱼皮基本上都一定会叫黎试下。唔多地方有吗。鱼皮一过热水就要冰镇去保持爽口。拌上姜丝葱丝。师傅豉油再加拃花生就系。食完一定口渴。但系鱼皮够爽口。姜葱丝同花生又香口。师傅又够鲜。咁唯有叫埋罐可乐送住食啦。再叫左多个生腌𫚕𫠐。除左唔够大只同肉未算饱满之外。腌得味道好。食得过。咁当然肠胃一般既朋友要有皇恩大赦既心理准备。叫得合利冇理由唔叫佢啲名菜。薯粒牛柳粒算系一例。可惜以前既姐姐声铁板已经不再。只系用碟上。咁梗系冇以前咁热辣辣啦。镬气当然够。黑椒既香气扑鼻。薯粒依然外脆内软。但系牛柳粒切得太细。感觉好碎。食完鱼皮。整多个鱼卜黎试下。用上姜葱黎爆。叫得做爆。镬气系必然既要求。呢到绝对合格有余。姜葱既香气绽放得到淋漓尽致。鱼卜外滑内爽。火路控制一流之作。唯独个人觉得酒香未够。非则为上品。搬到黎熟食中心一楼。楼底焗住食客既热情的确热闹。但系就见唔到听唔到旧时火水炉既火光红红既咆哮。