串燒陣

营业中

休息中

呢排钟意咗食串烧，估唔到喺闹市之中俾我发掘左一间隐世但非常高质嘅串烧店。当日夜晚大概七点到，唔算太多人坐得都舒服。今次决定嚟个重肉串烧，首先一定要介绍个安格斯牛仔骨，真系好味到冇朋友，我第一次食串烧啲肉系唔会好似柴皮咁或者冇乜汁，牛肋肉串、羊架、蒙古牛肉串同埋个一口和牛粒劲多肉汁，唔会俾啲椒盐粉抢咗佢嘅肉味！麻辣鸭血都唔差同埋有好多旧，啱晒啲唔系太食得辣嘅人，不过唯一麻麻哋就系个鸭舌，烤完之后太细粒，冇乜口感同埋冇乜味，同埋餐厅出嘢食都比较慢，要俾啲耐性。