影片
更多
2023-06-07
17 浏览
同男朋友庆祝生日梗系要食好啲😆见本身好评都有唔少，就决定Book呢间铁板Omakase！黎到厨师好友善咁同我哋简介食材，同我哋讲返食物来源，除咗长知识之外，仲食左个咁好味嘅午餐，而且冇谂过系会咁饱！想讲下餐厅既环境先，干净利落，而且厨师同我哋讲，呢度仲有个房间系可以book 㗎，一D好重视私隐嘅客人就岩晒，听到呢度觉得佢地好细心！讲到重点既野食啦，今日既厨师发办第一道菜系「龙虾汁蒸蛋」，好滑溜既蒸蛋配上重澴郁龙虾汁，再放上可食用花装饰，净系睇样都好吸睛👍🏻第二道「北海道帆立贝伴乌鱼子」看似简单，但因为佢新鲜得黎再配上特别口感嘅乌鱼子，食落好有层次，鲜味再提升！第三道「南非鲍鱼配鲍鱼肝酱」呢个系视觉同味觉都好大享受～因为睇住师傅放左好新鲜既鲍鱼系铁板上面烧，而且要时间拿捏得好好，先至可以食到咁有口感，而且咁鲜味既鲍鱼，再配上肝酱，真系感觉到高层次嘅鲜味～第四道 甘鲷立鳞烧伴酸菜鱼汁，呢个系我最推介既一道菜，因为佢用左高温油炸鱼鳞，令到每片鱼鳞都香脆到好似薯片咁，加上师傅用左酸菜打汁，真系好似食紧酸菜鱼咁，估唔到系日式料理上食到一个咁新颖既方法处理，真系惊喜之作👍🏼👍🏼第五道沙巴虎虾配虫草
同男朋友庆祝生日梗系要食好啲😆见本身好评都有唔少，就决定Book呢间铁板Omakase！
黎到厨师好友善咁同我哋简介食材，同我哋讲返食物来源，除咗长知识之外，仲食左个咁好味嘅午餐，而且冇谂过系会咁饱！
想讲下餐厅既环境先，干净利落，而且厨师同我哋讲，呢度仲有个房间系可以book 㗎，一D好重视私隐嘅客人就岩晒，听到呢度觉得佢地好细心！
讲到重点既野食啦，今日既厨师发办第一道菜系「龙虾汁蒸蛋」，好滑溜既蒸蛋配上重澴郁龙虾汁，再放上可食用花装饰，净系睇样都好吸睛👍🏻
第二道「北海道帆立贝伴乌鱼子」看似简单，但因为佢新鲜得黎再配上特别口感嘅乌鱼子，食落好有层次，鲜味再提升！
第三道「南非鲍鱼配鲍鱼肝酱」呢个系视觉同味觉都好大享受～因为睇住师傅放左好新鲜既鲍鱼系铁板上面烧，而且要时间拿捏得好好，先至可以食到咁有口感，而且咁鲜味既鲍鱼，再配上肝酱，真系感觉到高层次嘅鲜味～
第四道 甘鲷立鳞烧伴酸菜鱼汁，呢个系我最推介既一道菜，因为佢用左高温油炸鱼鳞，令到每片鱼鳞都香脆到好似薯片咁，加上师傅用左酸菜打汁，真系好似食紧酸菜鱼咁，估唔到系日式料理上食到一个咁新颖既方法处理，真系惊喜之作👍🏼👍🏼
第五道沙巴虎虾配虫草花酱，依道菜，一开始就比佢惊喜到，虎虾竟然大个我男朋友既手，
大虾口感好弹牙，虾味十足，但最令依道菜，再提鲜就不得不提依个虫草花酱，佢有别于其他酱，比我感觉系似XO酱咁既煮法，食落系有细细粒既虫草花，不得不说师傅每一个酱都系佢地既心机之作。
第六道鹅肝伴苹果醋茸伴菠萝冰，鹅肝都系厚切，再加上上苹果醋茸酸酸甜甜嘅味道，岩岩好中和左鹅肝既油腻感，之后加上一个儿时回忆菠萝冰，真系透心凉既感觉。
第七道美国薄烧伴昆布渍 ，依道菜比我感觉就系够晒味觉冲击，因为用一片薄牛包住满满既蒜粒同葱花，一口咬落，真系肉味满满，师傅都好有心思，用昆布渍代替盐，令牛肉食落多左点不一样既味道。
第八，九道用一个日式面豉汤作开头，再配一个酸菜炒饭配大豆芽炒菜，令到我跟男朋友都真系食到好饱🥰
尾声仲有黑芝麻雪糕伴焦糖多士做总结，焦糖士多系师傅当场用铁板煮的，件件都系热辣辣而且好脆口，再配上的即溶既雪糕真系冇得输😆同男朋友庆祝生日梗系要食好啲😆
总括嚟讲，每道菜精致得黎，完全唔会话净系食个外型，每样食材都系好新鲜！已经列入左再食名单😆
🍽 媄铁板烧日本料理和酒
📌 尖沙咀广东道122-126号中港中心7楼
☎️ 9338 9980
⏰ 星期一日 12:00 - 15:00
19:00 - 23:00
#尖沙咀 #铁板烧 #Omakase
张贴
