藏戶概念館 (已結業)

又到星期五, 就系要食餐好嘅时候, 同啊妹再次返黎呢间藏户概念馆, 系兆万栋大厦有好多放题餐厅, 好多人都抵受唔住诱惑, 会拣放题, 但其实呢到有间好用心嘅日本料理餐厅. 二人叫咗个松花堂(藏)套餐: 套餐包括有豆腐沙拉, 刺身三件, 蚬味增汤, 澳和牛厚烧, 什锦天妇罗之前黎过食野, 佢地送咗张优惠卡, 集满5个印花送烧鸡沙律, 今次redeem埋, 再加多碟帆立贝寿司. 烧鸡沙律+帆立贝寿司: 虽然烧鸡沙律系送嘅, 但系份量一d都冇偷工减料,菜好新鲜,鸡肉多,好足料. 帆立贝好新鲜, 食唔到雪藏味道. 松花堂(藏)套餐: 要特别提及澳和牛厚烧, 和牛烧到嘅程度岩岩好, 肥瘦比例恰到好处, 加上个汁好惹味, 用黎送饭一流! 套餐仲有刺身三款, 有三文鱼两件, 章红鱼两件, 同甜虾一件, 全部都好新鲜, 系入口即溶, 好耐冇食过咁好质素刺身啦!因为有叫套餐,所以跟餐有送水果同埋绿茶雪糕作甜品,绿茶雪糕好滑,好好味!呢个藏户概念馆确实系卧虎藏龙, 小小不起眼嘅餐厅, 但系可以感受到老板系有费咗唔少心机选用好质素食材, 再好用心料理, 重质不重量, 或许更能令我们更健康咁享受美食