翡翠潮州小廚 (已結業)

放工突然想食潮州嘢，就拣咗佢。食物无论味道同份量都几好，坐得又几舒服，就写写佢啦。叫咗个套餐，有海鲜蚝仔粥同至尊卤水鹅拼盘。另外仲叫咗两杯餐饮，分别系百香果黑糖冰茶同埋紫薯豆浆冰茶。讲咗我杯嘢饮先，原来百香果同黑糖都几夹，入先会系一阵百香果嘅香味，但个after taste 系有淡淡既黑糖味。$26一杯同你出边饮珍珠奶茶差唔多，但依杯比较有特色。拼盘都几震撼，因为真系包罗万有，有鹅片，鹅肝，鹅肾，鹅肠同豆腐。味道仲要唔错，虽然卤水味唔会特别重，但用了新鲜。鹅肝入口好润滑，唔会过熟。鹅肾有咬口，唔会韧口。两个人食的话，会食得好满足。至于个海鲜蚝仔粥，平时蚝仔会系主角，但其他海鲜有啲喧宾夺主嘅感觉，唔系贬意，只系其他海鲜比蚝仔更出色。有虾有鱿鱼有帆立贝。特别系个虾，虾肠已挑，虾肉非常弹，幻想唔到个虾肉摆咗落去煲粥，都仲有咁嘅咬口，所以我觉得应该系分开处理。但分开又好，唔分开又好，味道唔错就得啦。总结：价钱虽然唔系唔算平民化，但食物饮品来讲，系有质素嘅，再食多几次都冇问题。