祥榮餐廳

营业中

休息中

移居外国嘅朋友，返嚟香港探亲，荣幸都抽到时间相聚。记得以前有段时间，撞啱我哋都喺红磡返工，所以一个月总会有几日约午餐饭聚，其中祥荣餐厅系我哋其中一间饭堂。阔别多年，原来餐厅啱啱新装修完，差啲唔认得添，好彩味道依旧，让她重拾久违港式味道。罗宋汤店员极力推介嘅罗宋汤，仲话系祥荣餐厅嘅名物，果然名不虚传！港式嘅罗宋汤，带有酸同辣嘅味道，加上蕃茄同各种蔬菜，够晒足料，味道极有层次。古法蒸黄立仓估唔到咁佬嘅嘢，佢都啱？佢话外国啲鱼味好淡，所以返香港一定要食鱼。祥荣餐厅嘅鱼鲜系每日下午5点新鲜送到，所以黄立仓嘅肉好鲜嫩，加上冬菇、肉丝嘅古法蒸，鱼嘅味道更为丰富，而且加上蒸鱼豉油之后，非常惹味。蜜椒薯仔牛柳粒甜甜嘅蜜糖味，令牛柳料多咗份焦香味，而且肉质好淋唔韧，每粒都有蜜糖嘅甜味，配菜有三色椒，除左可以令颜色靓之余，增加香甜嘅味道。