我的意大利廚房 (已結業)

Honey做到好夜，突然叫陪食饭，即刻仆出去，但都要佢等左15分钟，等到呆哂，心痛死，虽然Honey话附近求其食，梗系唔得喇，D女人口话是但，如果真系求其去食鱼蛋粉，就一定会出事。即刻拖佢去QRE Plaza，好彩平时有做功课，系Openrice已经check过呢间意大利餐厅唔错，就同Honey试下。1.前菜：蕃茄沙律多士，都好好食，印象分大加。2.意大利Panini:芝士加火腿：贪佢够快，本来已经有餐饱，再加呢个顶一顶肚先，热辣辣，又香又好味。跟埋黑醋沙律，又香又新鲜，好食过美式个D沙律好多。3.磨菇鲜虾意大利粉：哇！正到呢....好食到连个碟都吞埋，个sauce好好味，唔识形容，一定要试下。4.米兰羊扒：即系吉烈羊架，睇个样冇咩好感，深棕色一D都唔吸引，但食落又香又脆又嫩滑。5.Tenderloin Steak medium rare 嫩牛肉好似毛巾咁嫩滑，食唔惯会觉得好难吃，但同个sauce一齐吃简直是天衣无缝，好完美。6.装修：好靓好舒服，同女朋友黎一定ok7.服务：虽然全部菲藉，但个个都好有礼貌，服务非常好㖞。总括来说，收费合理，味道ok，装修一流，服务有礼，值得一去再去。