鯉魚門大興餐廳

营业中

休息中

朋友介绍$368/人海鲜餐，约埋两个朋友一齐去食，12道𩠌，碟碟面都份量十足，好难食得晒😂特别介绍上汤龙虾伊面，🦞龙虾份量都好多，啖啖肉，好鲜味。蒜蓉粉丝蒸元贝，蒜蓉沟埋粉丝好好味，元贝好大粒。果皮蒸鲍鱼，鲍鱼好大只，并且起埋出嚟同清洗干净，食之前唔使同只鲍鱼搏斗一番😂够腍又爽口。我至爱嘅姜葱炒蟹🦀蟹肉好鲜甜，好香好惹味。椒盐濑尿虾，濑尿虾唔止大大只，仲要有膏，炒得好香口，但略嫌炸得干了少少。清蒸沙巴斑一上枱，同枱三人对望了一下，同一个问题，点解咁大条鱼嘅，点食啊🤨豉油鸡和炒饭完全食唔落，因为实在太饱，唯有打包。$368完全回本，份量十足，做法一点也不马虎，值得推介。