影片
更多
2024-09-06
1437 浏览
横风横雨，想揾个地方避雨兼食个快饭，结果食咗个 Super Heavy嘅Burger…“Burger Mate”喺尖沙咀近天文台道𠮶头嘅Burger Mate，门面贴咗大量嘅burger同做法。当中比较有特色嘅系”黑松露蘑菇安格斯牛汉堡”同”顶级A5上州牛和牛汉堡”。另外每个burger都仲可以加芝士。黑松露蘑菇安格斯牛汉堡 $125 (另加车打芝士+$12) - 个burger未嚟到，已经闻到黑松露嘅味道。正确嚟讲，当隔篱枱嘅同款burger嚟嘅时候我哋已经闻到😂。汉堡扒牛味好浓，煎得好香口，洋葱已经熟晒，就连我都食到😂。另外蘑菇蕃茄份量非常多，就算系松软较薄嘅面包之下都好难一啖咬得晒，再另加芝士，系绝对嘅重量级之作。顶级A5上州牛和牛汉堡 $130 - 同样重量级，但用上A5上州牛和牛打造嘅汉堡扒。问题嚟啦，和牛做嘅汉堡扒有咩唔同呢？答案就系质感。和牛打出嚟嘅汉堡明显滑身啲，而且脂肪感较强，咬落去会比较顺滑舒服。当然个drawback就系牛味比较少，煎香嘅味道亦比较少。黑松露薯条 $65 (另加车打芝士 $12) - 原来呢个先系隐藏之作。当超多嘅芝士同超多嘅黑松露酱走埋一齐，就会
“Burger Mate”
喺尖沙咀近天文台道𠮶头嘅Burger Mate，门面贴咗大量嘅burger同做法。当中比较有特色嘅系”黑松露蘑菇安格斯牛汉堡”同”顶级A5上州牛和牛汉堡”。另外每个burger都仲可以加芝士。
黑松露蘑菇安格斯牛汉堡 $125 (另加车打芝士+$12) - 个burger未嚟到，已经闻到黑松露嘅味道。正确嚟讲，当隔篱枱嘅同款burger嚟嘅时候我哋已经闻到😂。汉堡扒牛味好浓，煎得好香口，洋葱已经熟晒，就连我都食到😂。另外蘑菇蕃茄份量非常多，就算系松软较薄嘅面包之下都好难一啖咬得晒，再另加芝士，系绝对嘅重量级之作。
顶级A5上州牛和牛汉堡 $130 - 同样重量级，但用上A5上州牛和牛打造嘅汉堡扒。问题嚟啦，和牛做嘅汉堡扒有咩唔同呢？答案就系质感。和牛打出嚟嘅汉堡明显滑身啲，而且脂肪感较强，咬落去会比较顺滑舒服。当然个drawback就系牛味比较少，煎香嘅味道亦比较少。
黑松露薯条 $65 (另加车打芝士 $12) - 原来呢个先系隐藏之作。当超多嘅芝士同超多嘅黑松露酱走埋一齐，就会成为世上最邪恶嘅零食。同burger一样，黑松露薯条嚟嘅时候香味已经极之攻鼻，而咬落去嘅时候就以芝士味为主，系攻守兼备嘅终极小食。
香蕉奶昔 $35 - 饮落啲香蕉味好似系新鲜香蕉整出嚟咁。旧冻，但唔太甜，食burger有呢啲嘢饮吓，其实不下于汽水。
Burger Mate嘅汉堡，新鲜、大份、重香味，重口味。无论系面包、牛肉、配料，甚至系薯条，都系以最新鲜大份嘅形式现身。得闲经过，真系可以试吓咩叫重量级。
张贴
