Meat King (已結業)

香港食日本菜嘅餐厅真系好多选择，特别日式拉面、寿司、串烧样样都有，唯独专食日本汉堡嘅餐厅真系唔常见，今次工作以外经过铜锣湾见到依间以日本汉堡为主题嘅餐厅真系忍唔住入去要试一试。餐厅内装潢简约，而且座位都好阔落、舒适啱晒同朋友聚会。而今次食午餐时段系半自助形只要点主菜，就可以免费喺沙律吧𠮶度任食，真系非常之抵。自助区内约有30款食物、饮品选择，由新鲜嘅沙律菜、面条、甜品、水果、饮品、雪糕样样都有而且味道都唔错，基本上纯食自助区已经好饱，哈哈。而且佢啲甜品都系自家制，我就特别钟意佢个朱古力挞，朱古力味相当浓郁，真系忍唔住食咗三个。辣肉酱汉堡包食到差唔多主菜就出现了，呢个汉堡包份量都非常十足，最特别就系佢提供咗一个纸袋可以将汉堡包放喺纸袋入面食，令食果阵更方便非常，真系好贴心。味道方面，汉堡扒非常厚身，咬落去你会感受到佢好浓郁嘅肉汁，加埋蔬菜、辣肉酱口感非常丰富且惹味。安格斯牛肉汉堡牛肉汉堡同样非常厚身且牛肉味亦都好出，真系啖啖肉好满足，就算唔加酱汁亦都好好味。整体味道真系唔错，特别钟意佢自助区可以任饮任食，真系个胃有几大都唔怕。