HASH CAFE (已結業)

系T-town行完街觉得肚饿, 经过见到井茶，一于入去试下啦！好，坐低睇下有咩食先！炸鸡髀伴沙律，鸡髀外皮炸得香脆，肉汁丰富，食完好满足。汉堡扒、炒滑蛋、鲜牛油厚多士，北海道牛乳炒蛋炒得唔错，够滑。照烧原条鳗鱼拼鸡扒，呢个铁板餐，简直系重量级，鳗鱼系原条上，鸡扒大大块，配埋意粉都咪话唔饱。香草羊架拼牛柳，平时食牛柳最惊韧，但呢度煎得几好，完全唔会韧。羊架都几嫩，食落会有微微嘅羊骚味，唔错！铁板餐仲有餐汤同饮品。海盐芝芝芒芒，好大杯，芝士奶盖咸咸地，芒果沙冰饮落好冰凉，爽呀！忌廉华田朱古力，面头有厚厚嘅忌廉，饮落口软绵绵，果然忌廉同朱古力系绝配。