影片
更多
2023-01-13
1798 浏览
今年冬天真过瘾因为有够冻嘅天气，最钟意烚吓烚吓嘅我真系快乐过神仙呀！今次老婆大人仲要带我去酒店中菜厅道打边炉你都咪话唔爽。今次我哋去打边炉嘅地方就系喺尖沙咀金域假日酒店嘅龙苑中菜厅，话时话吖酒店嘅自助餐就食过中菜厅我好似第一次嚟咋㖞！咁啱中菜厅原来都系第一次推出打边炉应市，搞咗个叫做滚住食嘅极品打边炉套餐，睇吓个餐牌唔便5旧水都几多嘢食㖞。重口味嘅我最钟意呢度有9様酱料拣，加啲生熟蒜、芝麻酱、沙嗲酱再加啲葱花就Perfect喇。除咗打边炉食物够多够正之外我最钟意喱道有任饮套餐，只系加88蚊一位就可以无限畅饮指定嘅啤酒、汽水同埋橙汁，咁鬼抵我梗系队杯啤酒食吓腰果先啦。每枱都可以拣一个汤底总共有三款口味可以拣，好似有芫荽皮蛋锅、娘惹沙爹锅同埋南瓜素菜锅，如果三款都唔啱你口胃唔紧要！只要你肯加＄268就可以升级清炖螺头汤底、加＄128升级花胶椰子鸡锅、或者加＄68转为胡椒猪肚锅底选择够晒多，我哋就一致决定要咗个娘惹沙爹锅做喱晚嘅汤底喇！睇都睇到个沙爹锅有几香浓啱晒钟意食牛肉嘅我。喱个火锅套餐首先会有一个海陆拼盘，先讲海鲜拼盘入面有带子、桂花蚌、龙趸柳、海中虾、长脚蟹脚同埋带子每人分到两件。剥
今次我哋去打边炉嘅地方就系喺尖沙咀金域假日酒店嘅龙苑中菜厅，话时话吖酒店嘅自助餐就食过中菜厅我好似第一次嚟咋㖞！
咁啱中菜厅原来都系第一次推出打边炉应市，搞咗个叫做滚住食嘅极品打边炉套餐，睇吓个餐牌唔便5旧水都几多嘢食㖞。
重口味嘅我最钟意呢度有9様酱料拣，加啲生熟蒜、芝麻酱、沙嗲酱再加啲葱花就Perfect喇。
除咗打边炉食物够多够正之外我最钟意喱道有任饮套餐，只系加88蚊一位就可以无限畅饮指定嘅啤酒、汽水同埋橙汁，咁鬼抵我梗系队杯啤酒食吓腰果先啦。
每枱都可以拣一个汤底总共有三款口味可以拣，好似有芫荽皮蛋锅、娘惹沙爹锅同埋南瓜素菜锅，如果三款都唔啱你口胃唔紧要！只要你肯加＄268就可以升级清炖螺头汤底、加＄128升级花胶椰子鸡锅、或者加＄68转为胡椒猪肚锅底选择够晒多，我哋就一致决定要咗个娘惹沙爹锅做喱晚嘅汤底喇！睇都睇到个沙爹锅有几香浓啱晒钟意食牛肉嘅我。
喱个火锅套餐首先会有一个海陆拼盘，先讲海鲜拼盘入面有带子、桂花蚌、龙趸柳、海中虾、长脚蟹脚同埋带子每人分到两件。
剥虾壳呢啲粗重嘢梗系交俾我哋啲男人做㗎啦！见到老婆大人食得开心我都好过㗎嘛哈哈哈。
不过老婆大人都好锡我转头又剥番只长脚蟹过我吃，喱晚啲海鲜全部都好鬼新鲜真系出色嘅。
嚟到我最心心眼嘅时候就系食肉兽最钟意嘅肉类拼盘，牛肉就有澳洲和牛片、美国安格斯肉眼片同埋金钱展，老婆大人唔食牛肉益埋我好happy！不过喱个拼盘入面仲有西班牙黑豚猪柳片，我𠮶份梗系俾埋佢食啦！喱个肉类拼盘都系每人每款有两件但其实都已经好够食。
牛肉配沙嗲汤底喱一个组合真系我嘅飞佛，而且牛肉质素都好高下每样都吸引到我好正斗。
跟住仲有又系每人两件嘅然自家制龙苑四宝，四宝即系陈皮鲮鱼丸、芝心鲜虾丸、鲜虾云吞同埋水饺，全部都系自己包同手打㗎睇个样已经觉得好正。
鲜虾云吞同埋水饺二拣一嘅话我就钟意鲜虾云吞多啲，因为够鲜味吖嘛同埋饺子皮够薄吸埋啲沙嗲汤味道一流。
至于自家制嘅孖丸我就偏向钟意芝心鲜虾丸，虾丸好鬼弹牙入面有流心嘅芝士馅，咬落去好鬼有层次仲好好味添。
以下落嚟我哋食喱啲全部都系无限任点任食嘅！总共有成20几样嘢可以拣㗎！我哋拣咗午餐肉、炸枝竹、豆卜、芝士肠、白萝卜、粟米、唐生菜同埋娃娃菜多嘢食到呢！真系想唔食到捧住个肚走都唔得啊！
呢个套餐仲有又系任食嘅甜品，有芝麻糊、陈皮红豆沙同埋香草绿豆沙可以拣，不过老婆大人同朋友唔系几啱食所以另外叫咗芒果布甸，我试咗一啖果然做得唔错够香够滑又充满芒果香甜味，唔怪得知我老婆大人咁钟意食啦。
我就最钟意食红豆沙喱度煲到起晒沙又足料，甜度都整得啱啱好我钟意呀。
龙苑中菜厅
电话：23151006
地址：尖沙咀弥敦道50号金域假日酒店低层1楼
张贴
