火土燒肉

#火土烧肉 #HearthYakiniku #尖沙咀美食 #露营风烧肉 #A5和牛前几日和朋友去咗尖沙咀K11嘅火土烧肉，环境真系好有惊喜！餐厅设计得好似去咗野外露营咁，成个空间充满咗自然嘅感觉。室内有好多打卡位，室外仲有假营火炉，成班朋友围住个炉仔烧肉，气氛超热闹！至于食物方面，我哋叫咗几款招牌菜： * A5宫崎和牛幻切沙巴当: --店员会亲自帮手烧，确保一定系最佳熟成度！！块和牛入口即溶，超正！油脂丰富，肉味浓郁，超想encore order 多块！- * 伊比利亚猪肋条 配生姜味噌: 猪肋条肉质软嫩，简单烧得焦香已经好好味，配上生姜味噌嘅独特风味，令人回味无穷。 * 蒲烧鳗鱼件: 鳗鱼烤得香喷喷，肉质肥美，烧到金黄，咬落弹牙，每一啖都充满惊喜。- * 岩手县玄米牛 塩酱: -牛味香浓，口感丰富，配上盐酱更能带出牛肉嘅鲜甜。 * 日本青椒仔: 青椒烤得爽脆多汁，微辣开胃。 * 玉子海苔饭: 呢个饭配牛肉一流！牛肉汁滴晒落去，玉子滑嫩，海苔香脆，配埋饭一齐食，简直系完美嘅组合。 * 青森县富士苹果果汁酒: 饮落去有苹果嘅清甜，又带有少少酒香，好啱配烧肉。