吉野家 (已結業)

是晚去睇阿娇套舞台剧前, 当然先医一医肚啦. 时间不多, 务求快、正, 斋妹摇手一指, 发出一道紫红, 而那紫红, 正正射中吉野家既门口, 我便被那紫红引领到呢间成日自称最掂丼既牛肉饭专门店.前文所说, 我一早已经被那大份午餐整饱. 故我只是跟餐叫个小食. 是一个酿鸡翼的东东吧, 真正名字忘记了. 斋妹选得吉野家, 固然有佢啱食既野, 而这个就是野菜饭. 野菜饭, 是椰菜花, 西兰花, 红萝卜同豆角, 再加半只卤蛋. 如是给素食者享用的话, 不要落汁, 因为据闻, 那汁是含肉类成份的, 好似是鸡肉. 所以素食朋友要留意啦. 虽然咁食法, 好似冇乜味, 但加上酱油同酸姜, 特别是佢分几啖俾我时, 沾了少少鸡翼汁, 正因为饭够软, 所以加少少汁, 已经好好食.鸡翼呢, 基本上是港式做法, 馅料尚可, 鸡翼够淋. 不过不失吧. 另外叫了杯特饮, 太甜.快快趣食完走, 看看表.....都是要坐的士去演艺学院.