野菜咖喱事務所 Curry Man (已結業)

野菜咖喱事务所-桥底下的咖喱店从来都冇谂过系葵涌中心商场地下可以有一间日式装修既咖喱店，可能系位于旧商场，同其他店舖别树一格，顿时引起我既食欲。细看menu，下午茶时段有6款餐选择，价钱都系廿几蚊到三十几蚊，重点系下午茶餐时段去到晚上7点，系附近收工行快两步买黎做dinner真系抵到烂。由于我归家心切，所以就外卖拎走。拎出个餐既时候觉得食店好有heart，一黎会自制贴纸，二黎热饮会提供杯套。🐻野菜咖喱牛肋条饭$34唔好以为下午茶餐份量就会少，满满一碗饭，仲要系饭上面加上芝麻，牛肋条都有成8件咁多，牛肋条煮得入味又唔韧，唯一缺点就系咖喱汁比较稀。另外，我加咗$6要埋新鲜生果，但结果只有4块火龙果，性价比低，唔建议加钱。