馥苑海鮮酒家

营业中

休息中

基本上呢次系预定左间房，叫左平均688一个人嘅餐，可以带枝酒去饮，最多收返开瓶费，个人认为佢嘅海鲜做得平均水准算高，虽然对比出面尖沙咀大把有装修有装横嘅酒家，呢间装修设计唔算奢华，因为都有一定历史，睇你入去系食咩，我呢次就系去试佢哋嘅鱼翅汤同鲍鱼为主，我想讲佢哋啲上菜啲碗碟真系有好耐以前历史果种风味，中意嘅都觉得几得意，佢个鲍鱼系超入味，软硬度系刚刚好，个鹅掌又系，佢嘅圣子系食落一粒沙都冇，同样系炒得好食入味，翅汤系超浓但唔咸，好难得，但我中意落好多红醋，呢个就见仁见智啦，佢个鱼系好有口感刚刚好，食到个肚胀哂好饱都想继续食，不过佢分碟装每人嘅份量唔多，呢个系不足，至于佢个前菜核桃酥仔我成碟自己清左。