RBTea (裝修中)

今日落雨湿湿，行到始创，见到这间RB大把位咪入来坐。见到个all day breakfast都唔洗一百，谂住ok咪试下。间野系自己去收银处落单的。自己填纸比收银输入去到落单，个收银靓妹挂住倾电话，我叫两样野食，两样野饮，佢挂住倾电话落少杯野饮。我叫了All day breakfast $89, +$15 要杯Tiramisu 焦唐咖啡，+$70美极虾意粉，再散叫杯牛奶咖啡$36。总共$210佢就发紧梦，唔知系咪电话比男友激亲，佢落了all day breakfast $89 +$9 牛奶咖啡+$70美极虾意粉。 收完钱我发觉少了杯野，再叫过杯Tiramisu 焦唐咖啡要$44。合共212。 咁我同佢讲收多左$2。佢计来计去都唔识计，我咪计佢睇。之后佢都比返2蚊我。佢跟住就好悔气叫我返埋位等得了。我唔系志在𠮶两蚊，收多左又唔系个靓妹袋，我系唔钟意佢返工发梦做错野又要我帮佢比埋。咁返到位等野食。来了两杯咖啡和意粉，到我食到一半问个早餐几时来。个侍应问我有冇落单……我话钱都在counter比埋，我唔知你有冇落单，佢先急急追个餐返来。侍应又唔醒目，食物份量少，价钱咁嘅服务来讲算贵，试一次算数。