潮興海鮮酒家

营业中

休息中

假期一家三口黎左呢个三坡坊既大排档，呢度全条街都full晒咁滞，咁岩呢间有位比我地，咁我地就唔谂咁多啦，点知中伏！！！我地叫左个卤水鹅，味道系几好既，不过豆腐就好硬，好似豆干咁，我就比较中意食滑豆腐多d啦，出面好多卤水店都做到。蚝饼：大伏！！！我都唔expect佢会好好心机咁煎比我，都知系炸，但多粉到咁都系第一次见，入面数埋都唔知有冇10只蚝仔，全部系豆豉咁细粒既蚝！我地食左一半都冇食，系比d粉浆suck饱左，超级大伏！！！我地仲叫左个酥炸鱿鱼(唔记得影)，又一大伏！冻既！！！炸野最基本就系要热，咁都做唔到？D 鱿鱼唔知系因为冻左而硬晒定因为佢炸得差，硬到咁我都系第一次食，唉。仲有个呀姐，我地叫啤酒，饮完第一支再叫第二支，饮完第二支再叫第三支，有咩问题？佢话我地点解一早叫定，咁多人要招呼。。。第一叫定会热晒，第二想再饮先叫，我点会预知自己想饮几多支？野食唔好食仲要受气，呢间BLACKLIST得。