Chullschick

营业中

休息中

秘鲁系一个神秘嘅国度，秘鲁菜更加系从未食过，因此品尝之前好兴奋好期待。但步出餐厅𠮶下觉得失望，因为整体嚟讲，食物味道普通、价钱略贵；成餐饭入面令我最惊喜嘅居然唔系食物，而系餐厅嘅布置！餐厅布置十分有特色，墙身嘅图画似系油昼，直接用颜料油上去，画中所描述嘅环境正正系我最向往嘅黄沙大漠！好有中国敦煌嘅既视感！讲返食物，烧鸡味道正路、无太大惊喜；芝士棒奶香不足，且份量太少；另外仲叫咗个秘鲁特色馅饼，食落味道似中式糖糕，唔可以讲系难食，但同好食一词都相距甚远。总结：呢间餐厅系典型嘅糖衣炮弹，名目系秘鲁菜、布置亦都相当养眼，但系就野食而言，实在系中人之姿；性价比亦低，故不推荐。