Delite Long Ping Bistro (已結業)

生日原本想同朋友食元朗国，点知人地八点就关门，近近地去咗隔离long ping食。入到去，餐厅播歌好大声好嘈，bar and restaurant 嘅格局但真系好黑，隔离枱唔系饮酒讲野好大声，就系小朋友系咁系到大声假喊...我知，呢d唔系餐厅问题，但我哋8:20落单叫餐，8:45先嚟个沙律同鸡翼，食完计时，然后又再等半个钟，差唔多9:30先见到个猪肋骨同三文鱼扒一齐出...其实间餐厅唔系坐满人，但得一个侍应，一个bar tender 应该系经理嚟，系咪厨房都系得一个师父去煮？乜都慢到不得了。食完主菜，跟住个甜品就嚟得最快，但食埋都差唔多十点，饿到已经谂紧宵夜食乜好。其实佢样样野都好食，但环境唔好坐，等野食等得过份耐，我就真系唔想再去喇。