Cafe Pho 1975 (已結業)

见开左间越南野，经过几次都有人等位，谂住下午茶时段快快手试下食，野食其实都还好，叫左个生熟牛肉河粉配热柠茶（$46），个河粉正常普通质素，水吧有待改善，我叫咗杯热柠茶，但𠮶杯极其量叫暖柠茶，杯饮品好似冲定放咗向度好耐咁，感觉好差其实一间餐厅野食质素外，侍应态度好坏都好影响餐厅对客人嘅观感。我入去前见到餐厅贴左个告示话餐厅正在试业，上菜可能要较长时间，但我觉得间餐厅最大问题唔系啲野食，系啲试左业都一段时间但仲系唔适应嘅侍应侍应好唔专业同唔醒目，完全冇指示，我自己行入去个著黑衫应该系经理完全无视我无谂住指示我坐边......自助地揾完位去收银问先知系先付款跟住侍应送野食过黎。我见原来有热水嘅，见间店咁「自助」就放低个餐号牌走去自己斟水，转头个侍应帮我收走当我食完，唔系呀嘛？个个做野唔系好主动，我见有枱客叫佢哋执野佢哋都好似睇唔到咁照企向原位。咁样嘅侍应真系好赶客，不如转做快餐店客人全自助自取餐盘，个店员净系执下枱面都冇咁嬲。