樂富門 (已結業)

寻日一心谂住去乐富仿饍食饭,6点半前到,话冇订位要等好耐,结果去隔离o个间(榕X),但又系冇位,唯有黎呢间装修好简约o既酒楼食.见倒张餐牌d野唔算好贵,大约$40-$70一个小菜,又有海鲜,翅等等.我同我男友点了避风塘炒蛏子(ok啦!),杂菇烩小堂菜(虽点呢碟菜标榜健康为主,但食落总觉得好多油),金瓜勾翅($68二人份量,好味),唔知咩野赤蟹荷叶焗饭($98,好饱,米好生,蟹羔好硬,冇乜蟹味,一般),之后点o左甜品,要杨枝金露,雪山飞弧,咖啡奶冻($6-$10),结果等o左一阵话杨枝金露卖晒,改要海底椰南瓜露,冇所谓反正同价,但就水多过料;而个奶冻就冇乜味;后o黎等咗好耐,我地就催单,个侍应话未听过有呢个甜品,但我地show完餐牌又话比佢听保个部长推介,跟住佢先check单,跟住又话冇落单,o甘我地o米话算o拉,埋单走,跟住一阵又另一侍应o黎话就出,跟住又等,最后同一个侍应又过o黎帮我地埋单,我地check番张单又真系冇落,费事烦,埋单走人($306),乱到晕!