影片
更多
2016-01-12
1866 浏览
礼拜六难得约左班FRIENDS出去聚聚，问大家夜晚想食乜，好几个都话想食放题。问心其实我唔多赞成，须知道尖沙咀食嘢价钱普遍偏贵，食放题就更肉赤啦。但大围话食都无计啦，都要上网揾揾，见到呢间放题个样好似唔错，最紧要系价钱都算合理，唔驶两旧水，啱哂我地呢啲 "中产" (即中坑无产啰)于是乎一行六人去试下，估唔到有惊喜，咁既价钱咁既质素，完全物超所值啦系咪??去食日本放题，刺身一定唔可以放过，佢地都有好多款拣，三文鱼同鲍片梗唔少得，最特别系有带子同大甜虾食，三文鱼坚系厚切同好肥美，食得出好新鲜；出面好多收得仲贵既放题都冇呢啲货色。放题就一定预左暴饮暴食啦，除左刺身，佢地仲有串烧、铁板烧同天妇罗。我本身唔钟意食炸嘢，人到中年系要养生嘛，但佢啲炸物算质素几好，起码啲炸粉同啲肉唔系痴埋一旧先，系只虾细左啲咁啰。串烧选择都几多，我地狂点都冇咩减我地，算系咁啦仲想点先。仲有寿司要一赞，好多放题的啲寿司都唔系主打，所以质素参差，但呢间竟然有芒果花之恋，细细旧又易入口，成晚最钟意呢个。好多放题落完单，都唔会到齐啲食物，呢间又唔会㖞，啲嘢食大部份都到齐。店员服务态度都算唔错啦，虽然无乜笑容，但见佢地做到冇停
于是乎一行六人去试下，估唔到有惊喜，咁既价钱咁既质素，完全物超所值啦系咪??
去食日本放题，刺身一定唔可以放过，佢地都有好多款拣，三文鱼同鲍片梗唔少得，最特别系有带子同大甜虾食，三文鱼坚系厚切同好肥美，食得出好新鲜；出面好多收得仲贵既放题都冇呢啲货色。放题就一定预左暴饮暴食啦，除左刺身，佢地仲有串烧、铁板烧同天妇罗。我本身唔钟意食炸嘢，人到中年系要养生嘛，但佢啲炸物算质素几好，起码啲炸粉同啲肉唔系痴埋一旧先，系只虾细左啲咁啰。串烧选择都几多，我地狂点都冇咩减我地，算系咁啦仲想点先。
仲有寿司要一赞，好多放题的啲寿司都唔系主打，所以质素参差，但呢间竟然有芒果花之恋，细细旧又易入口，成晚最钟意呢个。
好多放题落完单，都唔会到齐啲食物，呢间又唔会㖞，啲嘢食大部份都到齐。店员服务态度都算唔错啦，虽然无乜笑容，但见佢地做到冇停手都唔好太讲究啦，你估你食紧高级餐厅咩。我自己本身都系做服务业，大家真系唔好对WAITER太多要求好无，工作系好劳累咖大佬…… (感怀身世) $198加一食到抱住个肚走，大家都觉得可再翻兜。
成班中佬挂住食冇咩影相啦，系得最后LAST ORDER盘刺身相；睇返又肚饿啦顶。
张贴
