囍越 (屯門市廣場) (已結業)

四月过后天气热热地，食越南菜就啱晒啦！呢日去屯门睇完戏就去左屯门市广场觅食，因为好想食d酸酸甜甜嘅菜式，所以见到间越南菜好似唔错，就决定试下。间餐厅分开左两边，一边嘅坐位系餐厅入面，一边嘅坐位系商场走廊，而我地就被安排坐系走廊果边，隔住玻璃仲可以望到商场嘅平台，都几开扬。我地叫左鲜虾柚子沙律、小食拼盘同蛋网炒金边粉。小食拼盘包括烧香茅牛肉虾片、丝网春卷、烧猪耳扎肉及青木瓜丝沙律，当中最中意沙律嘅酱汁，酸得黎少少涩涩地，唔会甜，好开胃。而香茅牛肉虾片口感好丰富，香茅味道突出，整体唔错。3道菜入面最中意呢个柚子沙律，好清新！粒粒饱满嘅柚子肉，一咬落去D柚子汁迫晒出黎，配上弹牙虾肉同爽口萝卜丝，好正，食到停唔到好！蛋网海鲜炒金边粉嘅卖相精致，不过食落同其他餐厅金边粉味道差唔多，偏甜，没甚特别，重点系份量真系小左d。