金坊泰國美食

营业中

休息中

今次黎到新都城呢间金坊，算系一间唔错既泰式餐厅，环境好靓，装修非常之别致，座位又够晒阔，真系岩晒一家大细黎慢慢食呀。叫左个马拉盏炒通菜，味道好特别，调味偏甜味，岩晒唔系好食得辣既朋友仔，甜味唔算太劲，而且好惹味，食落又有油香，通菜好爽脆，唔会太软，炒到岩岩好断生，食落好爽口。另外仲叫左个烧鸡，外皮烧到好焦脆，望落就好有食欲，而且只鸡份量都好足，皮脆肉嫩既口感，食落d肉仲好juicy，唔会好柴，火喉岩岩好。特色既泰式调味，都系偏向甜甜地，味道好特别。仲有足足2边鸡脾肉，咬落嫩口弹牙。甜品方面，叫左个红豆马拉糕，甜度唔算好劲，食落好Q弹，口感好软熟，真系几唔错，岩晒唔钟意太甜既朋友仔。