麻市滋味館 (已結業)

今日同团长两个人食饭，咁食好呢？两条麻甩傻更更喺佐敦行咗好耐，揾到间专做海鲜小炒嘅特色小炒专门店！依间小店虽然冇富丽堂皇嘅装修，但环境整齐清洁干净，门口更设有多层鱼缸，为客人提供生猛海鲜！听间待应姐姐讲，原来佢哋老板同香港鱼市场有生意来往，所以攞到好多靓海鲜！谂住今次又有口褔啦！不过两个麻甩食唔到乜，无理开条鱼咁浪费！所以叫咗几样招牌菜算！麻甩佬平时无乜汤水饮！所以我同团长一人一盅，叫左《螺头炖水鸭汤》，依个水鸭汤其实都唔止喺水鸭汤，而且仲有鸡脚、参片同其他药材！听返待应姐姐讲，每盅喺炖出嚟，唔喺煲出嚟！两个人叫咗两个𩠌，第一个喺《金牌金字塔》！哗，依旧咩嚟架？我真系好好奇！而且每层都切到咁薄，师傅喺点做到呢？原来依座金字塔其实喺梅菜扣肉！真喺估佢唔到！可见个师傅超有心思，而且刀功一流！跟住待应姐姐慢慢将佢切开，有好多肉汁流咗出嚟之外，仲有好多梅菜！其实我都几怕食梅菜扣肉，因为太肥，冇口感！但依座金字搭就唔同，有口感之余，仲唔太咸，送饭真喺一流！听返待应姐姐讲，正常平时要准备两日时间，先可以入味，而且仲淋身好多！但我依旧只喺准备一日，但已经好好食，真喺唔错唔错！另外，我哋仲叫咗第二味𩠌