金屋泰國菜館

营业中

休息中

放工好攰，约咗人一齐做运动，又未够时间，所以呢就去咗附近揾食泰国菜食，天气咁热食泰国菜就啱啦！行吓行吓喺商场对面俾我见到一间泰国菜馆咁我就行咗过去入去坐低啦。门口都有好靓嘅泰国摆设，入边嘅装修都充满着泰国风味，墙上面有好多大笨象同埋泰国嘅民族画，都几靓。今日我哋两个人呢就嗌咗一个泰式拼盘、泰式香茅烧鸡半只、泰式明路乌头，同埋冼菠萝海鲜炒饭。泰式拼盘呢就有炸虾饼丶炸鱼饼、串烧鸡两串同埋春卷。个虾饼同鱼饼呢都炸得好脆，出到嚟仲系热辣辣㗎，咬落去呢争啲俾佢辣亲个咀。春卷呢就脆卜卜，够晒香口。串烧鸡配落去啲沙嗲汁到一流！劲香花生味又唔会话好咸。泰式香茅烧鸡呢就皮脆肉滑，鸡胸肉都唔会好柴皮。烧到啱啱好，唔会话㶶到黑。而且价钱相当知抵食，$98半只咋！泰式明炉乌头呢就好甜，肉质鲜嫩，酸酸甜甜好开胃，真系想食完再食。最后个菠萝炒饭呢好够镬气，有半个菠萝装住，色香味俱全，啲菠萝仲好甜添。总括而言呢间野好食。