金閣御膳正宗海鮮蒸氣石鍋 (已結業)

今日同事恩姐请食饭，带我来咗金御膳正宗海鲜蒸气石锅食海鲜，同平时食开嘅蒸海鲜有少少唔同，呢间店搞咗d新意思，当场感觉新鲜晒，我哋两条友好豪咁点咗安格斯牛肉、虫草花鸡、四宝蔬、象拔蚌、意大利海鲜汤底 、蒸鱼。睇来今晚都系扶住墙出去嘅节奏了。平时我哋都系点粥做汤底多，今次要咗个意大利海鲜汤底，浓郁香醇，蒸到连骨都入味吖（感觉值入了某个不得了嘅广告，哈哈），确实，里面嘅花蛤、大虾都好新鲜，蒸得滚热辣之后饮上一碗，能量即刻返晒嚟。安格斯牛肉切得好均匀，夹起放入汤滚一滚就可以食了，肉质细嫩，口感一流。四宝蔬系玉米、娃娃菜、菜心同红萝卜，放入汤里一分钟左右再捞上来嚟食又得，直接架在上面蒸熟食又得，味道都系甘鲜甜。象拔蚌系我哋嘅最爱，店家跟住纹理切开，厚薄均匀铺在冰沙上面，当料理嚟食都可以了，不过我哋最后蒸出来都唔差，好爽滑IN韧。