星怡

营业中

休息中

来到新加坡餐厅，通常都唔少得嘅系“肉骨茶”，大大兜，有4条好腍嘅肉排，仲有大大抽嘅蒜头，还有浓郁嘅胡椒味，亦有豆腐卜和香菇，超好味，菜油炸鬼亦好脆口。“金杯沙拉” 系用个类似雪糕杯又比雪糕杯精致嘅杯装住虾，红萝卜条及其他蔬菜，得意得来又健康。“新加坡香辣鱼蛋” 好弹牙，本身唔太辣，但有一兜辣酱畀你选择辣度，咁就人人都可以食；“咸鱼炒怡保芽菜”之前系第二度试过，今次呢个再加埋啲咸鱼来炒，有咸香够惹味，芽菜矮矮肥肥，脆卜卜好好味；“新加坡浓汤炒虾面” 有3只大虾，又有好多鱿鱼圈，又有啲薄切猪腩片，材料丰富，超值。