金淼 (已結業)

特选料理 一人用 $398 前菜 日式茶碗蒸蛋 北海道银鳕鱼仙台产虎虾 美国安格斯牛肉薄烧 季节野菜 静冈银稚鱼炒饭日本泡菜 。汤 。甜品 10% change佢大厦虽然要揾，但去到餐厅 就别俱一格 ，有少少私房菜同高雅环境，而服务非常好，有问题问会好好回答，坐喺吧台仲可以睇师傅煮料理添 。前菜极为开胃，而日式蒸蛋同出面有啲唔同，面层多咗少少蟹肉汤，两者配搭得好好。银雪鱼面层香脆食落卜卜脆，内层有鱼嘅嫩滑，师傅特制嘅酱汁用蟹肉为作主，你哋都可以一试。睇得师傅制作大虾嘅用心，虾壳去咗皮，但都保留外观嘅美，肉感丰厚。安格斯牛肉薄烧包住葱同埋蒜片，一咬落去爆汁落你个口到，之后葱香同蒜片嘅口感直达你口腔，若海上海盐同胡椒，食落层次更丰富。配菜都正白色粟米甜甜地几好食，蕃茄一啲都唔酸，龙珠果口感都几得意。静冈银稚鱼炒饭，好多银稚鱼，而啲饭都炒得好香。牛蒡同酸萝卜。而个汤都唔错，最爱入面嘅菇菇 好滑有口感。粟子味雪糕淡淡渗出嚟，啲雪糕都滑得嚟几好食。好钟意佢只匙羹。食完饱住𠮶肚走人。