諾亞半熟蛋糕專門店 (已結業)

啱啱晌The Pudding Nouveau食完晚饭，见隔离开咗间诺亚半熟蛋糕专门店，见之前唔少人分享依间近半年嘅人气饼店，择日不如撞日，入去睇个究竟先。小弟都喺第一次嚟，原来唔止半熟蛋糕，已经出咗咁多款蛋糕，有溶心芝士、鲜乳卷、泡芙及3D蛋糕。见有几款新出品，其中一款喺以小弟嘅喜爱食材嚟做：焦糖及咖啡，自不然成为心水之选。迟啲又放大假，要劳烦同事帮手跟手尾，所以，一于拎返公司一齐叹吓，慰劳吓。焦糖炭烧咖啡布甸蛋糕 $118个外盒包装几可爱，手挽做成一个猫型，我晌铺面见佢哋用「忌廉哥」做宣传，所以，顺理成章咁设计。打开外盒，内里嘅蛋糕喺以圆胶盒盛载，印有点样食用个蛋糕，因为，胶盒内嘅蛋糕喺反底样，即喺上下倒转，面层所见其实喺蛋糕底，至倒番转出嚟先睇得番个蛋糕正确嘅「真身」。蛋糕嘅上半层喺咖啡布甸馅，而下半层为海绵蛋糕，面层淋满焦糖浆，整体而言，咁嘅组合预期到味道会喺偏甜。海绵蛋糕绵绵微湿，布甸做得挺软滑，淡淡咖啡香，焦糖味甚为突出。所以，喜欢焦糖嘅焦香，又唔怕甜，依个蛋糕会好啱食，否则，小试无妨！另外，盒里已包埋纸碟胶叉，不过，晌公司食就环保少少，用番公司嘅瓷碟，下次再买就叫佢可以唔使