金牌小龍 (已結業)

咁多菜式中，台湾菜应该系最便宜，今次去左金牌小龙，主打上海同台湾菜。虽然金牌小龙位于ISQUARE，但价格相当大众。餐厅系L字型，家私以木为主调，枱之间既空间非常足够。另外每一枱上面都有一盏细吊灯，所以光线非常充足。见到下单纸就知道食物种类繁多，净系小笼包都有七款。最先上菜系莴笋丝。一开始落单前冇睇餐牌相片，以为系热食。涷食既莴笋几爽脆，味道酸酸甜甜。鲜虾红油炒手辣劲十足，皮薄之外馅料系鲜虾所以好爽口，口感亦丰富。本人高度推介牛肉馅饼！牛肉鲜嫩多汁，一咬就爆汁，外皮酥脆而且唔厚既然系上海菜，小笼包当然非叫不可。今次叫左蟹黄小笼包，一笼总共有5粒，拿起时不易破烂，皮薄但仍然烟韧。馅料亦不错，不过蟹黄味唔系太出。一品狮子头一碟有两个，肉质软腍度不错。最后系蟹黄面。今次汤底蟹黄味突出，汤底亦有蟹肉同虾，令人垂涎三尺。另外面条份量多，挂汤能力高，所以一食面条就尝到蟹黄味，最后连汤都唔放过饮晒。除咗蟹黄面比较贵之外，其他菜式都系平民级价钱，味道却超越平民级。喺尖沙咀嘅商场揾到一间性价比高嘅餐厅实在难能可贵。