影片
更多
2015-01-28
629 浏览
临飞前想饮多次中国茶、食多次中国点心，走到翠园看看，好多特别菜式，其他酒楼完全未见过，有惊喜！劲开心！但食完次后无晒表情啰。有原只鲍鱼糯米鸡、鲍鱼烧卖、鲍鱼蛋挞、花胶瑶柱灌汤饺、燕窝蛋挞、龙虾球肠粉，劲多高档食材，全部都想试呀！因为只系早餐，唯有只系 order 几个算喇。依个早餐就当跟家齐兄 farewell 饭啦，恭喜您脱苦海，揾到更好路数，一路好走！除左个名由美心阁转做美心翠园外，内外都无变。铁观音，依个利害喇！茶钱连加一要 HKD50 蚊位，就睇吓您有几好饮。唉，一般货色，算了吧！是但揾间有名既潮州菜馆都好过佢，一试无妨。东星斑鱼饺，都好求其蒸完掉出黎㖞，离晒谱。卖相未至于话好靓，但都可爱得意既。闻到阵阵鱼味，大啖咬落去，厚厚既饺皮滑潺潺，口感好唔舒服。眼见馅料以虾仁为主，见到有点点鱼肉物体。味道一般，整体麻麻地，不要抱太大期望，试试还可以。甫鱼滑烧卖，我最钟意食烧卖，啖啖肉又猪肉香，见到个名咁有趣咪叫黎试吓啰。形状好似 7-11 微波叮叮点心呢，长形高瘦好搞笑。成粒啪入口，虾仁、猪肉、鱼蓉混和，点解味道跟 7-11 叮叮烧卖一样呢，只系多左阵鱼肉味。您地唔系比即食点心我挂？川
临飞前想饮多次中国茶、食多次中国点心，走到翠园看看，好多特别菜式，其他酒楼完全未见过，有惊喜！劲开心！但食完次后无晒表情啰。
有原只鲍鱼糯米鸡、鲍鱼烧卖、鲍鱼蛋挞、花胶瑶柱灌汤饺、燕窝蛋挞、龙虾球肠粉，劲多高档食材，全部都想试呀！因为只系早餐，唯有只系 order 几个算喇。
依个早餐就当跟家齐兄 farewell 饭啦，恭喜您脱苦海，揾到更好路数，一路好走！
除左个名由美心阁转做美心翠园外，内外都无变。
铁观音，依个利害喇！茶钱连加一要 HKD50 蚊位，就睇吓您有几好饮。唉，一般货色，算了吧！是但揾间有名既潮州菜馆都好过佢，一试无妨。
东星斑鱼饺，都好求其蒸完掉出黎㖞，离晒谱。卖相未至于话好靓，但都可爱得意既。闻到阵阵鱼味，大啖咬落去，厚厚既饺皮滑潺潺，口感好唔舒服。眼见馅料以虾仁为主，见到有点点鱼肉物体。味道一般，整体麻麻地，不要抱太大期望，试试还可以。
甫鱼滑烧卖，我最钟意食烧卖，啖啖肉又猪肉香，见到个名咁有趣咪叫黎试吓啰。形状好似 7-11 微波叮叮点心呢，长形高瘦好搞笑。成粒啪入口，虾仁、猪肉、鱼蓉混和，点解味道跟 7-11 叮叮烧卖一样呢，只系多左阵鱼肉味。您地唔系比即食点心我挂？
川芎白芷鱼头汤，一见到即 order，开心死！姐姐话要等廿分钟，仲有时间，好！黎喇，半点烟也没有，我即时滴汗。试一啖，微暖淡淡稀稀的鱼汤，毫无火喉可言，药材味很削，不香不甜，十足用粉开既杯杯汤啰，失望。鱼头鱼云尚算多肉嫩滑，鱼味淡又唔香，而且无煎过㖞，煎完煲汤先会香口好味架麻。
招牌龙虾饺皇，很有趣！HKD68 蚊只，睇您比啲咩我。虽然预左系淡水龙虾，不过无所谓。哗！巨型虾饺有我掌心咁大，其实同灌汤饺差不多 size 啫。
招牌龙虾饺皇，温度又系微暖，完全无新鲜出炉、热辣辣既感觉，真系得啖笑！撑大个咀，大啖咬落去，馅料有少量淡水龙虾肉，非常爽口结实，但系无味架呢。仲有虾仁同笋粒，饺皮厚厚的。结论系不试也罢！又唔热、又无味、皮又厚。如果新鲜蒸起都会好少少，可能配个酱或加个汁会有得救既。
4 样野差不多四百蚊又唔好食，早知去食出前一丁啦！
张贴
