少爺泰 (已結業)

一向都钟意食泰国菜，见附近开咗间，即刻去试下。星期六6:30唻到，唔洗等位，一入门感觉呢度装修都几用心，好多泰式布置，充满泰国悠闲风。同一般泰式食肆不同，呢度有好多新颖嘅泰式饮品，以沙冰， 传统嘅饮品则欠奉。叫咗泰式金边粉同焗乌头。金边粉好快就到。个碟同摆盘都好靓，好用心。啲金边粉同青柠好夹，青柠帮助去除粉嘅油腻感。但个粉除咗落咗少量樱花🌸虾碎同上面摆盘嘅虾外，全是斋，索价$98+10%服务费，感觉唔太抵。焗乌头应系即叫即整，所以等咗40分钟先送到上枱。乌头（$138再加1）有点过咸，所以近鱼皮嘅地方全部都冇食，而且条鱼有啲细，撘配嘅两个酱，一个系泰式酸辣汁，另一个唔太知系咩，食落几清新同有助减低咸味。整体来讲，呢度环境系唔错，食物质素一般，但店员非常有礼勤快，同埋呢度地方够大，2-10人嘅枱都有，所以唔少一家大小唻食。如果食物质素再好啲咁就好喇。