影片
更多
2019-05-06
2160 浏览
呃LIKE可以，食好西？谂清楚先好决定去！大部份菜式好睇但难食，份量缩水，价钱昂贵，永不录用！谂住一班朋友去食北京菜，ＯＲ上简左呢一间好评唔少既餐厅，酒楼泥讲价钱都唔算系平，心谂差极都有个限度，点知食物难食，坐位安排古怪，点菜CONFIRM多次仲可以落错，CONFIRM完漏单唔认仲话要等。有咩可能炒饭要炒够一个钟，全部野食晒再等多１５分钟先上到？食到把几火。炒饭等左我一个钟都冇影到，等左咁耐，催足３次饮品＄２０一罐，食水仲劲过新泽西号！我地十几人，俾左一间房，点知房到角落竟然仲放多张４人枱俾人入，咁我要房泥做咩？不如你讲冇啦！点菜，落错单，我叫佢覆一次，唔耐烦覆左，铁板牛肉同葱爆羊肉调转左，我提返佢有错。最后，上菜果阵都系错。服务其次，食物难食先系即命伤，除左前菜叫做ＯＫ一Ｄ，其他菜式仲差过我去普通酒楼食，价钱又高人一截。下面一一道来点解我要第一次特登用咁多时间去俾差评：乞衣鸡 - 肉质梅烂，非常非常咸，直接食咸到食唔到，仲要提早订，全晚最差劲而且最贵既菜式之一。烧二冬 - 冬菇还可以，但冬旬有渣，冇处理干净，死症木须肉 - 只算正常，卖相就唔讨好了宫保鸡丁 - 呢条跟本唔系宫保鸡丁，
大部份菜式好睇但难食，份量缩水，价钱昂贵，永不录用！
谂住一班朋友去食北京菜，ＯＲ上简左呢一间好评唔少既餐厅，酒楼泥讲价钱都唔算系平，心谂差极都有个限度，点知食物难食，坐位安排古怪，点菜CONFIRM多次仲可以落错，CONFIRM完漏单唔认仲话要等。
有咩可能炒饭要炒够一个钟，全部野食晒再等多１５分钟先上到？食到把几火。
炒饭等左我一个钟都冇影到，等左咁耐，催足３次
饮品＄２０一罐，食水仲劲过新泽西号！
我地十几人，俾左一间房，点知房到角落竟然仲放多张４人枱俾人入，咁我要房泥做咩？不如你讲冇啦！
点菜，落错单，我叫佢覆一次，唔耐烦覆左，铁板牛肉同葱爆羊肉调转左，我提返佢有错。最后，上菜果阵都系错。
服务其次，食物难食先系即命伤，除左前菜叫做ＯＫ一Ｄ，其他菜式仲差过我去普通酒楼食，价钱又高人一截。
下面一一道来点解我要第一次特登用咁多时间去俾差评：
乞衣鸡
$438
38 浏览
0 赞好
0 留言
乞衣鸡 - 肉质梅烂，非常非常咸，直接食咸到食唔到，仲要提早订，全晚最差劲而且最贵既菜式之一。
烧二冬
$98
41 浏览
0 赞好
0 留言
烧二冬 - 冬菇还可以，但冬旬有渣，冇处理干净，死症
木须肉
$88
45 浏览
0 赞好
0 留言
木须肉 - 只算正常，卖相就唔讨好了
宫保鸡丁
$98
90 浏览
0 赞好
0 留言
宫保鸡丁 - 呢条跟本唔系宫保鸡丁，当我水鱼冇食过？
小笼包
$78
60 浏览
0 赞好
0 留言
小笼包 - 78 蚊六个，冇特别冇惊喜，算系表现比较好
葱爆牛肉
$98
29 浏览
0 赞好
0 留言
葱爆牛肉 - 味道尚可，但系我叫既系葱爆羊肉＆铁板牛肉，怕佢搞错特登覆多次单，点知仲系错
铁板羊肉
$108
35 浏览
0 赞好
0 留言
铁板羊肉 - 落错单既产物，你冇睇错，咁都叫铁板，烟都冇出，唔好话有炸炸声。
北京填鸭
$428
29 浏览
0 赞好
0 留言
北京填鸭 - 本身最高期望，结果最令人失望既菜式，冇之一。填鸭皮完全系淋既，食落竟然同街巿烧鸭一样，而且唔够热，估计系一早切定。么么（饼皮）份量绝对唔够包晒唔多填鸭，仲要痴埋一旧。劣评劣评劣评...亦都系全晚最差劲而且最贵既菜式之一。
呛炒手撕椰菜
38 浏览
0 赞好
0 留言
呛炒手撕椰菜 - 味道唔错，起码叫有样好食Ｄ
老家柚子鱼
$298
69 浏览
0 赞好
0 留言
老家柚子鱼 - 缩水柚子鱼，碟就大啦，鱼就缩水。可能我下庚要问定条鱼有几大，咁卖２９８？汁系泰式甜辣酱＋柚子蜜，唔系咩秘制汁，哗众取宠。
香椿拌豆腐
$78
52 浏览
0 赞好
0 留言
香椿拌豆腐 - 好食既前菜，豆腐滑，味道好。可惜主菜都系差劲，点都救唔返。
老家心灵美
$78
51 浏览
0 赞好
0 留言
老家心灵美 - 好食既前菜，酸酸甜甜开胃，可惜可惜
京城猪皮冻
$88
57 浏览
1 赞好
0 留言
京城猪皮冻 - 味道特别，汁都非常好味，如果只有呢道菜，我会俾好评，可惜可惜
四喜烤麸
$78
41 浏览
0 赞好
0 留言
京牌炒饭等左我一个钟，影都冇影到相，味道一般，仲要冇咩馅，２粒星。平时既扬州炒饭都好食过佢。
甜品方面，炒饭要我等一个钟，我地冇叫到就埋单了
全部朋友都已经唔耐烦，只想早走早去食糖水算，糖水都好食过呢到正餐！
除左前菜同个炒菜，其他全部质素低下，完全配唔上佢既价钱，价性比极低
金玉其外，败絮其中！唔会有下次，请我都唔会去
题外话/补充资料：
信用卡优惠，订位果阵就话有，去到就话星期五六日冇，一至四亦只有标价极高既套餐先有，并唔系８５０以上有８５折，完全系骗局！
(以上食记乃用户个人意见 , 并不代表OpenRice之观点。)
张贴
