心。泰 (已結業)

新派星马泰菜馆如雨后春笋，小至自家打理私房菜，大至餐饮集团都想分杯羹。呢到主打改良新派星马泰菜，侍应姐姐起势咁讲更o岩港人口味云云。睇得出呢到无论装修家私定灯光，or餐牌菜名至上台个样都经高人指点过，但系d灵魂都系欠缺d内涵。先出场o既系个名好得意o既轻轻烧吞拿鱼，个汁系败笔，酸到将所有味道盖过哂，食罐头仲o既好味。其实可以只备鱼露，不放汁落吞拿鱼，保留其轻灼微焦o既味已经好正。跟住上o既系香芒柚子沙律，以青木瓜作底；卖相超吸引，用香茅串起3只大虾，成只战舰咁；可惜一样系酸到呕，厨师今日系咪hup醋呢？就算醋都可以加糖ga ma。仲有呢个沙律有d马虎，d柚子仲系一kai kai，个情况就好似食住个碌柚饮杨枝甘露，无哂口感。蒜蓉炒温室椰菜更惨烈。无错，上台时镬气十足，但系温室椰菜硬过石头，后生仔都话硬，老人家就更加不在话下。仲有个海南鸡饭，身为海南鸡教教徒当然身先试味。。。urhhhh，一阵雪味由然而生，鸡肉鞋口难登大雅之堂，其中酸汁一样贯彻酸到呕o既宗旨......唉！如其花心机玩花臣，不如花心思再搞搞d味道仲有经济效益。全晚唯一一赞o既只有咖啡骨同班兰雪芭同蛋糕。咖啡骨好特别，无谂过