霸王山莊 (已結業)

霸王山庄既装潢又真系几霸，一上楼就有一种瑰丽堂皇既感觉。之前睇左好多食评都话呢间既服务麻麻地，不过我又唔觉得佢地既服务唔得㖞，反而食物既质素就......食物未至于食到要喊咁口，不过就无乜惊喜，亦无乜深刻印象。如果要讲印象，就似乎负面既印象多于正面既印象。唔知佢地系唔系想突出一 d 懒系细微既味道，反而搞到d 味道过哂火位。好似佢地既鸡丝粉皮，麻酱本身的而且确带有好轻微既甜味，但系霸王山庄就唔知做左乜野，过份突出左呢种甜味，结果我好似食左一啖糖入口咁甜，咁就当然系失败啦。除此之外，松子鱼亦都唔见得好，鱼炸得过火，炸到硬骨骨，酱汁就酸到无伦，咁点样食好呢？片皮鸭就烤到干筝筝，面皮就鞋过张A4纸，唔够加就要俾钱，12蚊得果6块。做得最差既系豆炒窝饼，皮厚而饀少，连平时最钟意食豆沙窝饼既我都只系食左一件就收手，唉~~~~~~嘥左个咁靓既场！