影片
更多
2011-07-25
475 浏览
長輩設宴，訂咗呢間美心皇官食晚飯，入到去比佢嘅環境吸引住，牆身白色配大型水晶燈，感覺雅緻，完全無同類型酒樓嗰種俗氣嘅感覺，枱與枱之間隔得好開，座位亦坐得舒適，值得一讚~~宏觀成個場，感覺上好似好多有錢人咁（除咗我^^），又有幾枱外國人，令我先入為主覺得呢餐飯一定好好食啦~~點知p.s. 由於我無睇過張菜單，所以唔知道每道菜嘅名，但有相睇~~上湯龍蝦配伊麵~~ 龍蝦味唔算突出，但總算新鮮，個上湯都幾好，唔係傑韃韃，味道同出面d酒樓差唔多，但伊麵真係出事，碎濕濕嘅，夾唔起咁濟，份量又少，一圍枱12人夾咗5個已經無晒，我都係分到兩條仔咋~~雞咸咗d, 仲有d(鞋)，我試咗一件就收咗工~~桂花魚，基本上桂花魚係好難整得唔滑，但今次真係食到喇~~雖然去晒骨，食嘅都係啖啖肉，但會唔會就係呢個做法搞到條魚唔滑呢？條魚嘅味道都唔錯，但反而湯底竟然係淡戍戍~~~茶樹菇配油炸鬼釀肉餅 呢個我覺得最出色，嗰d一塊塊嘅肉外面，用咗疑似油炸鬼嘅物體包住，有少少脆口，內裏juicy, 真係幾好食~~飽魚冬菇小棠菜~~同婚禮酒席中嗰d差唔多，冬菇無酸味，ok~~茨汁唔(傑)，飽魚唔腥，總算唔錯~~千島沙律醬花枝丸~
長輩設宴，訂咗呢間美心皇官食晚飯，入到去比佢嘅環境吸引住，牆身白色配大型水晶燈，感覺雅緻，完全無同類型酒樓嗰種俗氣嘅感覺，枱與枱之間隔得好開，座位亦坐得舒適，值得一讚~~宏觀成個場，感覺上好似好多有錢人咁（除咗我^^），又有幾枱外國人，令我先入為主覺得呢餐飯一定好好食啦~~點知p.s. 由於我無睇過張菜單，所以唔知道每道菜嘅名，但有相睇~~
上湯龍蝦配伊麵~~ 龍蝦味唔算突出，但總算新鮮，個上湯都幾好，唔係傑韃韃，味道同出面d酒樓差唔多，但伊麵真係出事，碎濕濕嘅，夾唔起咁濟，份量又少，一圍枱12人夾咗5個已經無晒，我都係分到兩條仔咋~~
雞咸咗d, 仲有d(鞋)，我試咗一件就收咗工~~
桂花魚，基本上桂花魚係好難整得唔滑，但今次真係食到喇~~雖然去晒骨，食嘅都係啖啖肉，但會唔會就係呢個做法搞到條魚唔滑呢？條魚嘅味道都唔錯，但反而湯底竟然係淡戍戍~~~
茶樹菇配油炸鬼釀肉餅 呢個我覺得最出色，嗰d一塊塊嘅肉外面，用咗疑似油炸鬼嘅物體包住，有少少脆口，內裏juicy, 真係幾好食~~
飽魚冬菇小棠菜~~同婚禮酒席中嗰d差唔多，冬菇無酸味，ok~~茨汁唔(傑)，飽魚唔腥，總算唔錯~~
千島沙律醬花枝丸~~有d怪，好似格格不入咁，唔係好食，又未算難食lor~~
梅菜芥菜~~望落去真係有d清寡，唔明點解呢碟菜都可以用嚟設宴，芥菜入口苦澀，梅菜又咸，唔知想點~~~
成餐飯都食到"O"咗~~~返屋企仲要食消夜呀~~陰公
张贴
