一茶詞 (已結業)

收早想饮杯茶当简单lunch, 经过一茶词见到装修几靓，啲茶既款式亦都吸引，于是打算试下。通常我要试一间舖头既茶，我都系会饮佢地既奶盖系列，因为试得多唔同间可以比较到。所以好快我就拣好左要佢地推介既奶盖金凤茶王。依间个奶盖都可以有四款选择，连埋最新出既大白兔奶盖其实有五款添！不过作为芝士怪，我都系拣芝士奶盖。价钱平均都系$2x，唔算贵，like facebook仲有减$3，学生又有优惠。店舖细细但整得几靓，小文青风。仲有两个座位，无人时可以坐低慢慢饮。讲返杯茶，茶底都还算正常，但无特别香茶味。而芝士奶盖无咩芝士味，同埋居然系偏咸既，我都系第一次饮到偏咸既芝士奶盖😅🙈加上其实个奶盖算薄，虽然影落似乎唔会薄得好夸张，但其实杯饮品啲冰都唔少，而冰系浮住系奶盖果部分，先睇落奶盖厚啲，真正饮起黎就唔多。 总结来讲，个奶盖唔系我心目中钟意既奶盖口味，而茶底普通，今次就满足唔到我想饮好味芝士奶盖既小心愿喇。