影片
更多
2020-04-05
10168 浏览
朋友生日，上年我生日嘅时候佢请我食晚餐，今年当然到我好好「孝敬」返佢。朋友独爱食烧肉，做足功课之后，拣咗呢间风评唔错嘅和牛烤肉放题。一出䢂就见到门口有间玻璃房，摆放住各式各样嘅和牛，非常样眼。餐厅主打高质和牛，一个价钱就可以任食A4和牛，即使价钱高少少，但仍然有佢嘅吸引力。先送上刺身拼盘，可能著眼喺和牛上面，刺身质素麻麻，中规中矩，食咗一转亦冇咩意欲再添。主角当然系A4和牛，第一碟有齐各个部位，可以慢慢品尝同比较，不得不赞卖相相当精致。和牛油花算系细密，但一入口令人失望，味道同卖相完全唔成正比，明明望落咁靓嘅和牛，入口居然淡而无味，冇乜牛味，而且各个部位味道分别唔大，好奇怪⋯⋯之后再点嘅牛明显冇咁靓，而且依然系淡茂茂⋯⋯对牛肉大失所望，转战海鲜类，质素亦系一般般，选择唔多，新鲜程度亦麻麻。蔬菇类新鲜程度亦一般，粟米略嫌干身。反而小食类质素可以，麻酱豆腐冻冰冰，酱汁落得够，清新开胃。芝麻鸡翼非常香口，外皮炸得够酥脆，系成晚最好食嘅一道。甜品方面选择比较普通，以为呢个价位会有少量名牌雪糕可以选择，不期然有少少失望。最后我哋拣咗本地品牌Cocoberry嘅雪糕，云尼拿味普普通通，冲绳海盐比较
一出䢂就见到门口有间玻璃房，摆放住各式各样嘅和牛，非常样眼。
餐厅主打高质和牛，一个价钱就可以任食A4和牛，即使价钱高少少，但仍然有佢嘅吸引力。
先送上刺身拼盘，可能著眼喺和牛上面，刺身质素麻麻，中规中矩，食咗一转亦冇咩意欲再添。
主角当然系A4和牛，第一碟有齐各个部位，可以慢慢品尝同比较，不得不赞卖相相当精致。
和牛油花算系细密，但一入口令人失望，味道同卖相完全唔成正比，明明望落咁靓嘅和牛，入口居然淡而无味，冇乜牛味，而且各个部位味道分别唔大，好奇怪⋯⋯
之后再点嘅牛明显冇咁靓，而且依然系淡茂茂⋯⋯
对牛肉大失所望，转战海鲜类，质素亦系一般般，选择唔多，新鲜程度亦麻麻。
蔬菇类新鲜程度亦一般，粟米略嫌干身。
反而小食类质素可以，麻酱豆腐冻冰冰，酱汁落得够，清新开胃。
芝麻鸡翼非常香口，外皮炸得够酥脆，系成晚最好食嘅一道。
甜品方面选择比较普通，以为呢个价位会有少量名牌雪糕可以选择，不期然有少少失望。最后我哋拣咗本地品牌Cocoberry嘅雪糕，云尼拿味普普通通，冲绳海盐比较特别同少见。放题嚟讲呢度嘅食物选择好少，和牛卖相就好得，打下卡都还可以，但质素真系不敢恭维，想食靓和牛嘅朋友仔千祈唔好期望过高⋯⋯
张贴
