金田家 (已結業)

今日冇乜野做就约左朋友去荃湾行街。咁岩见到过江龙拉面店金田家，好似好耐冇食就决定去呢间食晚餐。舖头有样好，就系营业时间够夜，岩晒我同朋友呢d猫头鹰族，而且10点左右都仲有人入黎食野。舖头装修亦都唔错，坐得舒服又有圣诞气氛。入翻正题，野食方面，我同佢总数叫左2碗拉面同1个小食。我叫左黑豚拉面，而佢就叫左个辛子黑蒜拉面。2个面我地都几满意，汤饮落唔似味精汤，饮多d都唔怕。2个拉面既配菜就差不多。呢间金田家好似有别于其他分店，佢会提供餐前小食，有三样野食，都几好食架，可以食住等拉面！话晒都叫食晚餐，所以都叫多左个小食等我地食饱d。叫左个筑前煮，都几有日本特色，所以都系值得推荐。