喜滿樓菜館

营业中

休息中

土瓜湾呢间怀旧菜餐厅之前都食过，上星期六再帮衬，当日我地8个人叫咗芝麻鸡、爵士炖汤丶虾多士、莲藕煎肉餠、鲜菠箩咕噜肉同砵酒蚝煲。小菜色香味都达到水准，个人好钟意个鲜菠箩咕噜肉，新鲜菠萝带出果种鲜甜能同肉香，咕噜肉外脆内嫩。特别推介虾多士，真材实料，多士够脆，虾胶够弹牙，仲有原只鲜虾夹作中间，多层次口感。最激赞系个爵士炖汤，数过啲材料有蜜瓜丶螺头丶金华火腿丶鸡脚同猪𦟌咁多，够哂滋润。整体价钱适中，份量都几多，个人觉得系良朋欢聚唔错既选择。