店小二(東寶) (已搬遷) 新店位置

有好多朋友都误会以为店小二系一个翻版嘅东宝。其实店小二同东宝系姊妹舗，并唔系一个A货。有几味佳肴可以推荐比大家嘅。咕噜肉无错，系咕噜肉。一味好普遍嘅菜式。就连茶餐厅都会有做。店小二嘅咕噜肉有咩特别？特别在佢个汁系另外上㗎。换言之当你食旧咕噜肉嘅时候你系自己点汁嘅，所以炸过嘅肉仍然香脆。真细心。冻马友我哋𠮶晚点左一条冻马友。食法同潮州打冷舖嘅一样。其实只要条马友新鲜就一定无错，安全达垒。咁究竟店小二嘅马友又有啲咩咁特别呢？条鱼劲新鲜就唔使讲啦，特别在店员放低碟马友嘅时候，会叮嘱你千祈唔好整难块皮，因为你食晒啲鱼肉之后，店员会帮你将剩返嘅鱼皮拎入厨房烤焗到脆卜卜再令返嚟俾你食埋佢。真窝心。鸡肝，鸭下巴，烧大鳝，牛仔骨都做得非常出色，非常好味。最后一味想同大家分享嘅系「黄金蚝」。因为特别啲，所以有相我估厨师系有将蚝特别处理过嘅，因为冇平时桶蚝𠮶种潺味。除咗咸蛋黄之外，仲有生菜包住嚟食… 极品呀！记住记住记住下次去东宝或者店小二嘅时候唔好唔记得有一味「黄金战士」- 黄金蚝。