金記冰室 (康怡廣場北座)

营业中

休息中

海陆空铁板餐超级丰富，有炸鱼柳，猪扒同埋鸡翼，我拣咗意粉系茄汁意粉，配菜有粟米西兰花蕃茄仔。个鱼柳超嫩炸得，猪扒唔太厚但好有肉味，食到系几新鲜嘅，鸡翼炸好热辣辣。我拣咗蒜蓉汁，上枱时铁板好够热啲汁淋落去嘅时候查一声！好正，好耐冇食过有质素又性价比高嘅茶餐厅铁板餐！我仲拣咗配红豆冰，红豆冰粒粒劲大粒👍🏻我朋友叫咗个海南鸡饭，睇起嚟起码都有大半只鸡咁多有脾有翼，鸡肉同鸡皮都好香好嫩滑，觉得个油饭出色，有好香嘅香茅味同埋其他香料嘅味，唔系hea鸡油饭，另外配料有海南鸡酱油，炸嘅脆花生同埋姜蓉。个老火汤都唔错，无味精好够味。食饱同朋友倾计又口痕另外仲加咗个茶餐同朋友share，鸡髀西多士，够鲜鲜热辣即叫即整。唔错。令我意外嘅系金记都算系一间茶餐厅，但系佢哋嘅员工，几个姐姐都劲有礼貌。我哋去嘅时候三点几都算爆场，咁忙嘅情况下，由待应到收银都好有笑容。值得一赞！